De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker.

  • Broecker, Gustav.
Date:
1849
Catalogue details

Licence: Public Domain Mark

Credit: De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    9/32 (page 9)
    finium cellularum et maculae parvae, obscurae, subrotundae, cellularum nucleis similes, apparent. Segmentum transversum ab apice paulo remotius intra hanc substantiam externam jam ostendit alteram interiorem, molliorem, coloris ex cano flavescentis, interdum subrubicundi, qua centrum parvum, rotundum, certissimis finibus circumscriptum efficitur. (Fig. 1.) Forma ab initio rotunda in segmento trans- verso paulo inferiore jam magis ovata est, et simul ejus ambitus crescente spinae diametro transversa augetur. Substantia externa vero hoc loco, ut per totam spinae longitudinem ejusdem crassitudinis est, itaque aucto spinae ambitu externo, tantum, modo ihassa centralis crescit. Si paulo infra spinam denuo dissecas, in segmento transverso ad hujus centri marginem tres apices magis prominent, ita ut formam trianguli accipiat; cui formae etiam strati externi fines internos respondere facile intelligitur. Magis infra anguli trigoni in processus tenues excurrunt atque etiam ex ejus lateribus processus ejusmodi proveniunt, ita ut massa centralis jam formam stellae haud regularem offerat. Processus acuti hujus massae in stratum externum corneum intrant, quare hoc in finibus internis sinus exhibet, ubi processus illi pro- siliunt, prominentias vero, ubi ipsum intra processus progreditur. Propius a media spinae parte stella illa major et magis regularis est, neque vero jam sola massa centrali coloris ex cano flavescentis formatur, sed inter eam et substantiam externam stratum tertium depositum est, quod textura pellucidiore et laxiore insignitum a duobus reliquis finibus certissimis distinguitur. (Fig. 3.) Substantia intima adhuc admodum praevalet, quum media eam tantum angusti limbi instar cingat. Itaque jam in contemplandis segmentis transversis proxime sequen- tibus duplices fines hujus strati medii respiciendi sunt. Fines ejus externi formam stellae satis regularem apicibus subrotundis referunt; stratum corneum processus inter singulos stellae apices immittit, qui ab initio latiores ad partem interiorem acutiores fiunt. Centrum ita separatum maximam partem hac substantia lucidiore cellulas exhibente expletum est, dum massa ex cano flavescens centralis magis in longitudinem extracta in quemvis stellae apicem processus immittit. Totius seg- menti ambitus strati medii incremento admodum auctus est. Segmentum transversum mediae spinae massam centralem ad maximum volu- men adauctam et simul fines ejus externos mutatos ostendit; jam enim quasi discum colore lucidiore imbutum et strato externo obscuriore, tamquam annulo pio rata parte angusto, circumdatum exhibet. Hic discus in margine circiter duodecim foliis majoribus, ovatis, inter se proximis compositus est. Processus angusti strati ex- terni huic formae respondentes inter illa folia se insinuant et satis longe ad medium procurrunt. Praeterea singula folia angusta incisura in extremo fine in bina foliola quasi dividuntur, inter quae processus minor se immittit. Forma substantiae intimae 1*