Oratio in theatro Collegii Regalis Medicorum Londinensis, ex Harveii instituto habita, MDCCCXLI.

  • Mayo, Thomas, 1790-1871.
Date:
1841
Catalogue details

Licence: Public Domain Mark

Credit: Oratio in theatro Collegii Regalis Medicorum Londinensis, ex Harveii instituto habita, MDCCCXLI. Source: Wellcome Collection.

Provider: This material has been provided by Royal College of Physicians, London. The original may be consulted at Royal College of Physicians, London.

    16/18 (page 14)
    scilicet res in utrisque moliti sunt viri spectatissimi, et quas ut nostri Collegii, ita totius civitatis multum interesse confitendum est. Vix opus esse reor, ut in hoc loco munera vobis exponam, quae Praesidenti et Censoribus nostris commissa sunt. E quibus id praecipuum duco, ut quater quotannis scientiae eorum perscru- tandae operum praestent, quibus artem medicam exercere in hac urbe et locis adjacentibus propositum sit. At quoad longissime • possim respicere annales nostros, eam nobis in hac examinatione placuisse sententiam video, non ut suus cuique detur locus facta candidatorum de quibus agitur comparatione, sed ut caveatur, ne quid respublica detrimenti capiat, admissis in medicorum ordinem indignis et inexpertis. Haudquaquam dubitavimus, quin ad hunc modum optime efficiatur, ut successus cuique suus meritis postea responderit. Pauci sedenim elapsi sunt anni, ex quo in hac urbe academia nova constituta est, de qua fausta omnia et felicia precor, etsi ad nor- mam huic nostras prorsus absimilem constituta sit. Academiae scilicet, cui Londinensi nomen, id vel ab initio propositum est, ut candidatos honoribus et praemiis pro cujusque meritis amplificet, et ita amplificet, ut eos in ordines diversos redigat. Quod profecto minime inculpandum fore duco, modo vigili cura provideri possit, ne laudis ex hujuscemodi concertationibus oriundae nimia cupido noceat. Majus enim momentum habeat, necesse est ad victoriam talem reportandam physica quam medica scientia penitus imbui. Adeo amplior est philosophandi materia de iis rebus quae facile definiuntur, quam de iis, quae vix aut ne vix quidem finitionibus