An Esculapius of the North. Being the random reminiscences of a general practitioner / [David Lechmere Anderson].

  • Anderson, David Lechmere.
Date:
1897
Catalogue details

Licence: Public Domain Mark

Credit: An Esculapius of the North. Being the random reminiscences of a general practitioner / [David Lechmere Anderson]. Source: Wellcome Collection.

    58/208 (page 46)
    the wa’, but we managed a’ richt—except that the sack burst, as I lowered the body doon to Hughie in the road. “ There was a gey wheen o’ tolls on the road in those days between Inveresk and Aberdeen, and folk aye cast vera suspeecious glances at ony parcel in a cairt; and Hughie and I were ower weel kent on the road for us to run ony risks, so we had to disguise our man. It was an uncanny job, but it had to be done; and when we had Windys dressed up in an auld pair o’ breeks an’ coat o’ mirie—the sack we left on him for a sark—wi’ an auld cloth bonnet put on his head, he looked for a’ the warld as weel-faurt a man as ye’d see in a day’s travel, as we propped him up in the seat o’ Hughie’s cairt, a’tween the pair o’ us. “ Hughie’s naigie was no sic a bad beastie, an’ it covered the grun’ in gran’ style between Inveresk and Aberdeen. We passed a toll or twa, where the gates were lockit, but the keepers were owre sleepy to be vera particular in noticing wha passed. By the time we got near Maggie Whyte’s Public it was getting weel on to twa o’clock, but Hughie wad hae a drink, to ‘ tak’ the taste oot o’ his moo,’ he said, an’ I was some thirsty mysel’. “ ‘ It’s ower late, Hughie,’ I said, half wishing he would say it wasna. “ ‘ Na, na, man,’ he said, just as I was hoping, ‘ it's never owre late at Maggie’s.’ “ 1 But if they see the body i’ the cairt,’ says I, raising difficulties, when I saw he was on for’t. “ ‘ Deil the fear o’ that, man,’ says he, as bold as onything. ‘ They will never tak’ him for a corp, an' it will tak’ suspeecicn aff us at onygate. There’s boun’ to be an