De praxi medica Salernitana commentatio cui praemissus est Anonymi Salernitani de adventu medici ad aegrotum libellus e Compendio Salernitano saec. XII, MSS / editus auctore A.G.E. Th. Henschel.

  • Henschel, August Wilhelm Eduard Theodor, 1790-1856.
Date:
1850
Catalogue details

Licence: Public Domain Mark

Credit: De praxi medica Salernitana commentatio cui praemissus est Anonymi Salernitani de adventu medici ad aegrotum libellus e Compendio Salernitano saec. XII, MSS / editus auctore A.G.E. Th. Henschel. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    6/28
    el civibus nostris, quod iis tam diu auxilio Tuo saluberrimo uti licuit, et nobis ipsis gratulemur, quod eiusdem officii societas nos T e cum, quem ingenio, eruditione, moribus insignem esse inter omnes constat, coniunxit. Tibi simul, quinta decennalia raro exemplo obeunti, gratulationem nostram laeti facientes a Deo Optimo Maximo precamur, ut Tibi Tuis que floridam illam senectutem, nobis collegam dilectissimum, quam diu mortalis conditio patitur, sustentet atque conservet. Gratulationi vero nostrae, quae, quo simplicior, eo sincerior est, ut mos fert, munusculum, qualecunque est, adiecimus, quod, quum ad historiam praxis medicae pertineat, Tibi, medico prae aliis practico, fortasse contemplatione haud indignum videbitur, quodque eum nostrum habet auctorem, qui consuetudine Tua diutissime est fruitus, qui cultu et amore Tibi coniunctissimus est, qui Te, quum arte Tua plus semel eius vitam servaveris, semper gratissimo animo prosequitur. Nec habemus, quod addamus, nisi ut Te rogemus, ut munus illud levidense ea humanitate atque indulgentia, quam medicus ex quotidiana vitiositatis hominum obser- vatione lucrari solet, accipias et nisi aliud, hoc certe ei pretium tribuas, quod summae erga T e observantiae nostrae originem debet et hunc solum habet finem, ut eius locuple- tissimum extet testimonium. Vale, Vir Amplissime, et nobis fave.