Disputatio medica inauguralis, de tetano ... / eruditorum examini subjicit Joannes Grindrod.

  • Grindrod, John, -1856.
Date:
1825
Catalogue details

Licence: Public Domain Mark

Credit: Disputatio medica inauguralis, de tetano ... / eruditorum examini subjicit Joannes Grindrod. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    14/32 (page 8)
    orta, operam huc conferentibus. Quanto levior torqueat rigor, tanto diutius trahere solet; quanto acerbior, tanto citius occidit. Modo heb- domadam, diutiusve, permanet, alias, biduo tri- duove exacto, enecat. Denique, Tetanus vitae flammam extinguit, triplici potissimum ratione : frequentius, ac- tione idonea cordis, pulmonis, et musculorum qui spiritui inserviunt, impedienda ; quo fit ut homo ex improviso pereat, trunco corporis, ligni instar, durissimo. Interdum in convulsionem lethalem desinit; quae, haud secus atque rigor, actiones vitales extinguit. Alii, rigoribus fini- tis, ob vires resolutas, absumuntur: tanta enim incitatio non languorem summum moliri non potest. Quoties morbus propositus ita finitur, mortem antecedere consuerunt notae virium perquam lapsarum; nimirum, cutis gelido sudore madi- da, artus perfrigidi, vultus expallescens, maxilla inferior delapsa, saliva ex ore defluens, et quae sunt his similia.