Adnotationes de structura medulla spinalis, a Stilling descripta, criticae : dissertatio inauguralis quam consensu atque auctoritate amplissimi medicorum ordinis Marburgensis pro summis in medicina, chirurgia arteque obstetricia honoribus die VII. mensis Junii anno MDCCCXLV rite capessendis / scripsit Carolus Biel.

  • Biel, Carl.
Date:
[1845]
Catalogue details

Licence: Public Domain Mark

Credit: Adnotationes de structura medulla spinalis, a Stilling descripta, criticae : dissertatio inauguralis quam consensu atque auctoritate amplissimi medicorum ordinis Marburgensis pro summis in medicina, chirurgia arteque obstetricia honoribus die VII. mensis Junii anno MDCCCXLV rite capessendis / scripsit Carolus Biel. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    19/26 (page 15)
    species et aspectus tubulorum prorsus deleantur. Sed etiamsi cuncti tubuli, contento parum mutato instructi, adhuc exstarent, tamen fieri posset, ut non observarentur; quod quidem tum accideret, si partes ejusdem perspicuitatis atque ejusdem reflectendi facultatis inter singulos tubulos primitivos, certis locis jacentes, coarctarentur. Hoc vero in medulla spinali fieri potest; nam tali modo notum illud phaenomenon expli- candum esse videtur, quod secando cerebri sive medullae spinalis partem manifestae eaedemque crassae striae disparent, dilacerando contra clarissimae apparent. Simile vero phaenomenon in praeparatis Stillingii observetur necesse est, quippe quae item secando facta sint. Quum vero fibrae primitivae in iis praeparatis, in quibus eas observandas esse jure conjicias, non discerni possint; imo vero, quum partibus tenuissimis et maxime pellucidis ad summum gradum amplificatis, item nii nisi pallidae striae appareant: esset temeritatis vix excusandae, si obscuras illas imagines, quae quindecies sive tricies amplificatae animadvertuntur, statiin pro tractibus fibrarum primitivarum velles existi- mare. Potius quisque, qui sine praejudicio has disquisitiones institueret, majore jure rem negaret. Nos quidem ad hoc conatum nos non accingimus, quum spectantes ad finem nobis propositum, eo acquiescamus, ut, quid in Stillingii argumento a nobis desi- deretur, hac ratione ostendamus. Deinde Stillingius, id quod ex figuris cognoscitur, pro tractibus fibrarum primi- tivarum quasdam lineas singulari colore insignes judicat, quae, ab uno certo loco oriundae, radios ejusdem sive similis coloris emittunt. Quae tamen sententia, quamvis Stillingius eam magni aestimet, quum omnes tales formationes (quas ex parte pro- cessus piae matris esse, demonstrari potest) ex hoc argumento pro cinereis nervis va- sorum (cf. e et 1 in fig. 1. tab. 1. Libell. II.) judicet, minime potest comprobari. Stil- lingium hac ratione in errore versari, tantopere est manifestum, ut vix peculiari ex- positione opus sit, per quarn errata illa patefiant. Nobis quidem tanto magis hanc disquisitionem hoc loco omittere licebit, quum postea ad eam recurrendi nobis erit copia. Denique vero Stillingius etiam praeterea alias partes esse strias primitivas censet. i