De acido sulphurico anhydro ... / scripsit Henricus Rose.

  • Rose, Heinrich, 1795-1864.
Date:
1836
Catalogue details

Licence: Public Domain Mark

Credit: De acido sulphurico anhydro ... / scripsit Henricus Rose. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/28
    staret, dissolverem, contigit hoc quidem, ut acidi sulphu- rici, non item, quamvis pluribus modis tentarem, ut acidi sulphurosi copiam, quae inesset, accurate definirem. Co- pia quaedam certa conjunctionis in vase vitreo parvulo, quod epistomio vitreo claudebatur, expensa, ab acido ni- trico fumanti eo modo oxydabatur, ut, cum vehementis- sime afficeretur, damnum perpeti nequiret. Cum enim acidum nitricum esset in lagena ampliore, quae episto- mio vitreo vel aerem arcebat, in hanc lagena illa mi- nor cum expensa conjunctione, demto epistomio, filo pla- tinico alligata propere ita immittebatur, ut non liquo- res ipsi, sed eorum vapores tantum in se invicem va- lere possent, quo facto lagena amplior statim claudeba- tur. Qua aliquamdiu post caute ac leviter quassa, ut paullulum tantum conjunctionis ex lagena minore effu- gere et acido nitrico misceri posset, semper vehementis- sima effervescentia oriebatur, nunquam vero ignei quid- quam apparebat. Cum contra aliquantum acidi nitrici quassatione illa in lagenam minorem descenderet, massae aliquid crystallinae oriebatur, quam etsi non examinavi accuratius, ejusdem tamen naturae esse puto atque illud, quod saepe, cum oleum vitrioli anglicum paratur, oritur atque ex acido sulphurico et acido nitroso et pauca aqua constat. Mistio conjunctionis illius et acidi nitrici, post- quam perfecta est, diluta per aquam solutione chloreti barytici temperabatur. Ex copia acidi sulphurici, quae in sulphate barytico, quem acceperam, inerat, facile, quae ratio in conjunctione inter acidum sulphuricuin et acidum sulphurosum inter- cederet, computare poteram. Quantum enim illa con- junctio acido sulphurico nato pondere cedebat, non po- terat effici nisi oxygenio a conjunctione recepto. Sed duobus experimentis pari diligentia institutis in sulphate barytico minus acidi sulphurici inveni, quam ponderis conjunctioni demeram, id quod manifesto documento erat, partem tantum acidi sulphurosi ab acido nitrico oxyda- tum in acidum sulphuricuin abisse.