De nervo sympathico nonnulla : dissertatio inauguralis physiologico-medica ... / auctor Abrahamus Wiener.

  • Wiener, Abraham.
Date:
1847
Catalogue details

Licence: Public Domain Mark

Credit: De nervo sympathico nonnulla : dissertatio inauguralis physiologico-medica ... / auctor Abrahamus Wiener. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    32/33
    et dimidium observabat canem, cui portionem n. sympathici sinistram resecuerat: paulo post operationem factam, pupilla eiusdem lateris valde contracta. (1) Utraque palpebra inter se approximabantur ita ut hic oculus minor appareret dextro; membrana nictitans magis diffundebatur in corneam; sed intra totum tempus iris reservabat colorem primitivum et pupilla i etsi contracta moveri pergebat. Initio mensis secundi, bulbus oculi sinister volumine valde erat diminutus et aliquot diebus post operationem institutam coniunctiva erat iniecta, cornea pau- lulum obscurata et superficies oculi anterior abundanter gramiosa. Quum ex his quae adhuc diximus concedatur necesse sit, nutritionem et secretiones oculi laeso n. sympathico in discri- mine versari, tum animo tenere debemus, laeso n. trigemino functiones organicas mullo adhuc gravius ac molestius per- turbari. Secretionem fluidi illius quod est in organo auditivo et quo refecta sunt vestibulum, canales semicirculares, et cochleae ilexurae aestumat Thiedemann item n. sympathico sub- iectam. Eandem esse rationem muci narium ac salivae. Sed monendum hic, ut uterque nervus quintus aeque ac n. sym- pathicus hic teneant principatum quasi, quem Thiedemann nonnisi n. sympathico vindicat. Ergo processus et secernendi et nutriendi organici non solum nervo sympathico prospiciuntur, sed etiam nervis vitae animalis. Caput II. FACTA PATHOLOGICA NERVUM SYMPATHICUM SPECTANTIA. Facta pathologica, de n. sympathico accuratius disquisita. adhuc tam rarissima ac paucissima, connexus inter laesiones ac symptomata tam parum adumbratus, ut adhuc fieri fere non possit, ut eiusmodi factis utamur ad declarandas cius nervi functiones. Jam iterum ac saepius ait Bichat (Anat. gener, t. I. p. 225. Paris 1812) in morbis cordis, hepatis, ventriculi, intestini ganglia, e quibus emanant ad haec viscera nervi, inquisivi et sat accurate inspexi; nullam prorsus mutationem animadvertere mihi videbar. In carcinomate ventriculi iam ui ultimo stadio versante, in quo tela cellulosa vicina obstructa est et glandulae lymphaticae haud sane mediocriter intume- scunt, fere semper ganglion semilunare integrum et intactum observavi, uno tamen casu excepto in quo et eius crassitudo (1) Eadem iam Petit et Molinelli observaverunt.