De herniis diaphragmatis : dissertatio inauguralis medica quam consensu et auctoritate gratiosi medicorum ordinis in Universitate Literaria Friderica Guilelma ut summi in medicina et chirurgia honores rite sibi concedantur die XVI. m. Julii a. MDCCCXL h.l.q.s. publice defensurus est / auctor Augustus Otto Fischer ; opponentibus L. Magn. Ruge, H. Scholber, C. Encke.

  • Fischer, August Otto, 1817-
Date:
[1840]
Catalogue details

Licence: Public Domain Mark

Credit: De herniis diaphragmatis : dissertatio inauguralis medica quam consensu et auctoritate gratiosi medicorum ordinis in Universitate Literaria Friderica Guilelma ut summi in medicina et chirurgia honores rite sibi concedantur die XVI. m. Julii a. MDCCCXL h.l.q.s. publice defensurus est / auctor Augustus Otto Fischer ; opponentibus L. Magn. Ruge, H. Scholber, C. Encke. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    14/28 (page 14)
    exhibere videtur introitus subitanei, nihil probat. Nam animo perpendere debe- mus, infantem in cavo uterino capite prono degere coactum esse, ex quo situ se- quitur, descensum intestinorum et lienis non modo fieri potuisse, sed etiam neces- sario sensim sensimque evenire debuisse. §. 13. Denique pulmo sinister contractus et thymus dextrorsum pressi, praeser- tim quum non sint pendentes sed fixi, longiorem organorum illorum in pectore si- tum indicant. Per tres enim dies inter partum et obitum 'elapsos haec dislocatio tanta pertinacia perdurare nequisset. Tamen hoc teneamus necesse est, jam ante primam animam casum praecipitem intrasse ideoque pulmonum tubuli usu totum in- flari non potuisse. Prae ceteris autem jam longiorem in pectore moram indicant cor et thymus et situs organorum abdominalium, in his non solum coli pars prae- ter naturam affixa, verum etiam vesicae ui’inariae et uteri massa rigide-musculosa, quae per tres dies tali modo sursum depressa certo non fuissent. §. 14. Quod ad modum descensus attinet, hanc explicationis rationem propono. In septo transverso foramen summum pectoris, abdominis infimum locum obtinuit. Lien haud dubie jam priori vitae foetalis tempore in pectus descensum fecit, liga- menta jam pluries nominata, uti testiculus cum gubernaculo Hunteri processum vaginalem, secum trahens. Paullo post ilei et coli laquei secuti magis magisque in cavum thoracis pressi sunt hepate et renibus adultis et recto meconio oppletis, dum pro ratione ceterorum organorum pulmones minorem in modum creverunt. §. 15. De caussa conjunctionis pleurae cum pei*itonaeo. — A pleura peritonaeum diaphragmate interjecto plane quidem dividitur, tamen in intermedio, intereas septi fibras, quae a processu sterni xiphoideo et a costa septima procedunt, nec non in intermedio sub loco partis costalis et lumbaris postremo saepe pleuram tangit. Sed superficies peritonaei et pleurae exteriores his in locis non junguntur, nisi tela cellulosa brevi, nequaquam autem altera membrana in alteram transit, neque inter utramque trunci cavitatem conjunctio exstat (1). Attamen hoc in corpusculo in loco illo foramen est, non solum in septo transverso, sed etiam in pleura et peritonaeo, quae impetu aliquo violento priori vitae tempore uterinae disrupta sint et tum sensim sensimque alterum in alterum transierint necesse est. (1) Hil (lcl)rands Handb, cl. mensclil. Analomie v, Weber. IV. 248.