Louisiana folk-tales : in French dialect and English translation / collected and edited by Alcée Fortier.

Date:
1895
Catalogue details

Licence: Public Domain Mark

Credit: Louisiana folk-tales : in French dialect and English translation / collected and edited by Alcée Fortier. Source: Wellcome Collection.

    30/152 (page 12)
    Li prend donnin coup corne après nabe la et Jean Malin té pas rire tout temps la. Oui, taureau la té colère quand li oua li té pas capabe fait Jean Malin descende. Li metté li a genoux et pi li dit so paroles yé pou tournin n’homme. Li paraite alors comme ein n’homme avec ein la hache dans so la main. Descende, descende, pas quitté moin coupé nabe la pasqué mo va fini toi, ti coquin. Biché, biche, Compair Taureau, mo oulé oua ça vous capabe fait. Alors taureau la biché : gip, gop ; gip, gop. Vouzote té capabe tendé la hache la résonné et nabe la té tremblé. Alors Jean Malin dit : — Li temps. Li voyé ein dézef hibou en haut n’épaule Compair Taureau, so bras avec la hache tombe par terre. N’homme la ramassé la hache la avec la main qui resté: gip, gop ; gip, gop, li apé biché toujou. Anon oua, dit Jean Malin. Li voyé dézième dézef la en haut 1 Ote bras, li aussi li tombé avec la hache comme premier la. N homme la baissé, li prend la hache la avec so dents : gip, gop ; gip, gop, li apé biché toujou. — Han, han, dit Jean Malin, asteur to compte clair. Li voyé troisième dézef la en haut la tête n’homme la — la tête tombé par terre. Bras yé avec jambes yé et pi so corps prend tortillé comme ein serpent dans di fé. Alors Jean Malin descende et pi li dit:—I faut to tournin taureau encore pasqué nous bésoin toi. Alors li dit paroles yé, la tête et pi bras sauté après corps la et n’homme la tour- nin taureau encore. Li prend galpé dans dans la plaine jisqua li té tombé, a force li té lasse. Dipis jour la li jamais tracassé Jean Malin qui té gagnin ein meillaire drogue qué li. III. COMPAIR LAPIN ET VER DE TERRE. Tout moune connin qué tous les ans au mois de mai lapin gagnin ein maladie ; c’est ein ver de terre qui mordé li dans so cou en bas so mâchoire et sicé so disang comme pou de bois. Ça rende li faible, faible, et pendant ein mois ver la tchombo li bien et resté croché dans so cou anvant li tomber. Lapin yé croi quand yé couché dans grand zèbe que dé ver sorti dans la terre et grimpé en haut yé. Ça fait yé pair tout qualité dé vers, et si yé oua ein c’est assez pou fait yé galpé tout la journin comme si yavait ein bande chiens darrière yé. Si mo dit vous zotes tout ça c’est pou raconter vous ein zaffaire qué Compair Lapin té gagnin avec ver de terre.