De exophthalmo : dissertatio inauguralis medico-chirurgica ... / auctor Petrus Josephus Kops.

  • Kops, Peter Josef.
Date:
1829
Catalogue details

Licence: Public Domain Mark

Credit: De exophthalmo : dissertatio inauguralis medico-chirurgica ... / auctor Petrus Josephus Kops. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    13/40 (page 13)
    constat, et phaenomenon scintillarum visus (pho- topsia) intrat, motus vero oculi plane tolluntur. Tali modo dacryadenitis secundum Ad. Schmidt ad sta- dium acmes tribus vel sex diebus praeterlapsis per- venire solet. Inflammatione haud dissoluta, et par- tis affectae, postquam illa plane transierat, rema- nente induratione benigna, qua per brevius adhuc longiusve tempus exophthalmus ponitur, qui verum medelae cedit convenienti, morbus in stadium se- cundum transit. — In stadio secundo aegrotus mo- lesto frigoris gravitatisque post oculum sensu affi- citur. Febris vehemens remittit, mox frigus mox calorem aegrotus perpetitur; aucta photopsia bulbus magis ad nasum tendit, doloreque pulsante, orto et aucto palpebrae superioris tumore tandem in con- junctiva bulbi vel externa palpebrae superioris su- perficie punctum suppurationis ex luteo albicans animadvertitur simul cum aperta fluctuatione. Aetiologia. Sicuti in omnibus glandulis con- glomeratis inflammatio et suppuratio minus in ipso glandulae parenchymate, potius vero in tela, qua inter sese conjuncti sunt acini, cellulosa locum te- nere videntur, ita etiam in dacryadenitide opinari licet, non tam acinos inflammatione affectos esse, quam potius telam cellulosam. — Quoad causas occasionales eodem modo ac prior orbitae organo- rum inflammatio oritur. Ad. Schmidt liberos prae- sertim juvenesque morbo hoc affectos observavit. Illi quidem bona antea gavisos esse valetudine, ve- rumtamen aetate infantili dyscrasiae scrophulosae symptomatibus diversis laborasse dicuntur. Mor- bus semper celerrima aeris temperaturae vicissitu- dine ortum recepit. In uno casu dacryorrhysis ar- thritica subito aqua frigida impedita causa occasio- nalis dicitur. Benedict opinionem fovet, sicuti in aliis evenit glandulis conglomeratis, calculos etiam, qui in ductibus glandulae lacrymalis concreti, ve- rumtamen ob suppurationem inde ortam detegi ne- queunt, inflammationem causare posse. Saepius etiam causa exstitit traumatica.