Dissertatio inauguralis medica de hypochondria ... / scripsit Antonius Eckert.

  • Eckert, Antonius.
Date:
1841
Catalogue details

Licence: Public Domain Mark

Credit: Dissertatio inauguralis medica de hypochondria ... / scripsit Antonius Eckert. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    6/33 (page 6)
    c Diagnosis morbi. Morbum, cujus symptomata ita mutabilia et varia sunt, ut arduum et vix non impossibile sit, plenam illorum dare descriptionem, plerumque jam praecedere solet sensibilitas et irritabilitas exaltata, quae tamquam prodroma spectari pos- sunt. Canditatus nimirum hypochondriaseos actiones ponit alias, aut saltem alio,, ac secus consueverat, modo; labo- rem vix susceptum iterum relinquit, in animi adfectus gene- ratim pronus facillime ira incenditur; non tamen impressiones solum ingratas sed et amoenas vividius multo, ac deberet, percipit, hinc repentinae illae animi mutationes, promptus ex hilaritate effreni in atram tristitiam transitus et vicissim; animi tamen morositas semper praevalet, unde per horas saepe sedet meditationibus profundis inhaerens. Sub his ani- mi alienati phaenomenis habitus aegri raro mutatur, plerum- que enim is sub decursu morbi etiam ulteriori laudabilis esse solet, ita ut optima frui videatur valetudine; non infrequen- ter tamen cum incremento morbi jam citius jam tardius color cutis inprimis faciei, quae subinde oederaatosa redditur, eva- dit pallidus luridus, oculi annulo livescente cincti profundius / in orbitam immerguntur, atque corpus emaciatur, et hinc morbus ab Hyppocrate resiccatorii nomen obtinuit. — Quam- primum autem valetudinis suae statum aeger anxie observare incipit, morbus qua evolutus censeri potest. Cum vero hocce in morbo copiosa variaque occurrere soleant symptomata, opportunum erit conspectas commodio- ris gratia, eadem pro systematum organorutnque, quibus se manifestant, diversitate, pluribus distinctisque comprehende- re punctis; quare primo de phaenomenis in tubo cibario, dein systemate haematophoro, demum s. nervoso obviis dicam. 1. Symptomata laesae digestionis et chylificationis, ad- nexis simul secretionum excretionumque abnormitatibus. — Lingva praecipue versas radicem raro pura existente, adpe- tentia cibi abnormis plerumque observatur, subinde nimia ,