Volume 2

De curandis hominum morbis, epitome praelectionibus academicis dicata / Ed. nova cui praemittitur auctoris biographia curante N.M. Sormani. Accedunt ejusdem J.P. Frank Interpretationes clinicae una cum dissertatione de columnae vertebralis in morbis dignitate.

  • Frank, Johann Peter, 1745-1821
Date:
1832
Catalogue details

Licence: Public Domain Mark

Credit: De curandis hominum morbis, epitome praelectionibus academicis dicata / Ed. nova cui praemittitur auctoris biographia curante N.M. Sormani. Accedunt ejusdem J.P. Frank Interpretationes clinicae una cum dissertatione de columnae vertebralis in morbis dignitate. Source: Wellcome Collection.

    15/322 (page 9)
    cutaneis aut inflammatorio, aut alio demum stimulo irritatis, secretio, sub aspredinum, papularum, tu- berculorum, abscessulorum, aut phlyctaenarum ap- paratu, succedit. Utriusque rei exempla habentur tum in stigmate a culicis proboscide cuti inducto, et sic nata ex minima cruoris effusi quantitate simillima pe- techiae macula; — tum in papulis copiosis ac urentibus, aut sudaminibus, quae ardentioris coeli calor, acrio- ris et cohibiti sudoris ope ad cutem producit; — in vesica , quam in hac ipsa cantharidum, sub epider- mide receptum acre mox suscitat; — ex pruriente ad pellem urticis forte caesam tumore; — in absces- sulo ex spina vix oculo conspicua , cuti adacta , etc. Nec mirum certe videbitur , si ad amplioris in cute pustulae basin, aut tumefactus , atque prominens ac pure repletus folliculus, aut papillula, aut forte lym- phatici generis glandula inflammata, suppurata oc- currat; neque hanc ipsam a natura pro secernenda specifici morbi materia fabrefactam opinamur. Nul- lum certe in animali ad longaevam sanitatem con- structa machina instrumentum pro tam lethali fine crediderimus expresse destinatum fuisse; satisque jam malorum est, vel ipsa pro naturali quavis functione concessa nobis organa, cum a causis morborum sti- mulentur , in propriam non raro concurrere perni- ciem. Nec etiam specifica quaevis morborum materia specificum sibi aut distinctum ab aliis succum aut instrumentum proprium requirit;' sed solo illius in partem quamcunque peculiari stimulo, sub iisdem rerum conditionibus, humor idem morbosus, pro tempore , ex notis naturae legibus non determinan- do, praeparatur. §. CCLXXV. Exanthematum differentiae. Est tamen, quod in humana miremur oeconomia, singularis partium ad morbosas secretiones respectus: ut a certis specificisque stimulis, quotiescunque et quo- vis tempore sibi admotis, vix non in eosdem semper rapiantur effectus, atque similem prorsus irritanti prin- cipio et ipsae secernant materiam; cum ab aliis, non minus specificis aut contagiosis morborum fermentis, superata semel infectione, in secundam sese, eisdem