Pharmacopoea austriaca.

Date:
1906
Catalogue details

Licence: In copyright

Credit: Pharmacopoea austriaca. Source: Wellcome Collection.

    144/522 (page 112)
    Medicamenta adhibita sint qualitatis optimae, in pulvere subtilitatis praescriptae et quantum fieri potest aere plane siccata. Partes 100 eius in vase satis amplo, bene claudendo, cum menstruo quantitatis praescriptae aequabiliter humectentur, quin pulvis conglobetur. Seponatur massa madefacta vase tecto per horas 3. Tum ingeratur, aequabiliter comprimendo, in apparatum depulsorium, cuius pars inferior strato gossypii depurati armata est. Orificium apparatus inferius aperiatur et menstrui superinfundatur tantum, ut massa pulveris menstruo obtecta sit et liquor guttatim defluere incipiat. Eo momento orificium inferius claudatur et apparatus obturatus per biduum seponatur. Tum orificium inferius aperiatur ita, ut elapso tempore minuti unius guttae 30 liquoris defluant. Superinfundendo menstruum liquor tamdiu defluat, ut eius partes 85 resultent, quae in lagena separatim collectae seponantur. Aequali modo, affundendo menstruum per vices, massa pulveris contenta in apparatu depulsorio tractetur usque ad perfectam extractionem. Liquor hinc obtentus destillando liberetur a spiritu vini et in balneo aquae evaporetur ad remanentiam partium 15, quae admisceantur illis iam prius separatis partibus 85 liquoris. Sepone per aliquot dies, tum filtra. Extracta fluida sint limpida, odoris et saporis proprii peculiaris medicamenti adhibiti, ponderis specifici praescripti et quantitatis residui sicci definitae. Residuum Extracti fluidi siccum investigetur ratione subsequente.