De retinae structura microscopica : fragmentum commentationis ab Universitate Literarum Rhenana a. MDCCCXXXVIII. praemio integro ornatae : dissertatio inauguralis ... / publice defendet auctor Bernardus Maximilianus Lersch ; opponentibus M. de Bey, W. Hermes, E. Kaul.

  • Lersch, B. M. (Bernhard Maximilian), 1817-1902.
Date:
[1840]
Catalogue details

Licence: Public Domain Mark

Credit: De retinae structura microscopica : fragmentum commentationis ab Universitate Literarum Rhenana a. MDCCCXXXVIII. praemio integro ornatae : dissertatio inauguralis ... / publice defendet auctor Bernardus Maximilianus Lersch ; opponentibus M. de Bey, W. Hermes, E. Kaul. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/49 (page 9)
    unde Krause cerebri veras fistulas inicroscopicas negans fibras potius videre solebat, quae ex globulis claris atque materia aliqua illos includente constarent. Materiam enim illius conglutinantem cum retis filis, globulos pel- lucidos cum annulorum descriptorum foraminibus confe- ras. Recte enim Emmert foramina pro globulis opacis haberi credit posse. Interdum vero veros globulos conspexi *), globulis sanguinis minores, aut maiores, sic in (suis) substantia cerebri cinerea corpuscula 0,01 — 0,02' lata, angulata seu rotunda, eademque in substantia alba (meleagridis gall.)^ quae in spiritu vini sita fuerat, et in nervo optico (sciuri vulg.) eodem modo reservato. Neque tamen illi speciem crystallorum, qui quoque obveniunt, prae se ferunt, neque ii globuli sunt, quos Valentin ex cerebri substantia cinerea descripsit. Hos in substantia corticali, quaiiquam aquam non adhi- bebam, nunquam satis certe vidi, in gangliis vero et nervorum spiiiaiium et nervi sympathici distincte con- spexi. Forma eorum est diversa, nam orbiculata aut ovata aut reniformi : reperiuntur, interdum etiam caudam gerunt. Saepe ex globulis minimis confecti videntur. Non omnes albo nucleo ornati sunt. Fortasse orbiculi plani potius quam globuli integri dicendi sunt. In gan- glio cervicali nervi sympathici hominis febri nervosa defuncti, quod per duos dies aqua salita reservatum fuerat, minus certe eosdem reperi. Gangliorum globuli solutione cupri sulphurici aquosa opaciores minoresque redduntur, acido nitrico affuso non delentur. Fila nervea in ganglio minus distincta quam ante ganglion sunt. *) In tril)iis tuberculis ex cerebro pueris, tertio post mortem die inquisitis quum grana minima tum glebas forma diversas vidi.