De textura et structura vasorum lymphaticorum, ratione simul habita vasorum sanguiferorum : dissertatio inauguralis, quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae, rite adipiscendum, loco consueto publice defendet / auctor Henricus Weyrich.

  • Weyrich, Henricus.
Date:
1851
Catalogue details

Licence: Public Domain Mark

Credit: De textura et structura vasorum lymphaticorum, ratione simul habita vasorum sanguiferorum : dissertatio inauguralis, quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae, rite adipiscendum, loco consueto publice defendet / auctor Henricus Weyrich. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    26/34 (page 24)
    Caput I. De textura et structura parietum vasorum sanguiferorum. A. De textura. Inter scriptores, qui recentiore tempore, quales adsint telae primitivae, quaesiverint, paululum tantum discrepare videtur. De formatione autem membranarum fenestratarum atque retium fibroso- elasticorum major illorum dissensio est. Ex eo, quod in ligamento nuchae , in adultis ex fibris elasticis composito, dum status continuatur foetalis, membranae nucleis praeditae reperiuntur, nec non ex ipso formationis processu, qui in membranis fenestratis vaginae interioris radicis pilorum observari potest atque ab Jaeschio (1. c. pag. 13 fig. 1) descriptus est, ego quoque adducor, ut membranas fenestratas atque retia fibroso-elastica vasorum sanguiferorum status formationis esse existimem, quibus membranae antecesserint nucleis praeditae, sc. membranae epitheliales, ubi postea resorptio localis exorta sit. 1. Telae epitheliales. a) Epithelium vasorum sive telam proxime cavo vasorum sitam, quibuscunque in casibus praeparari poterat, sub nota specie membranae plerumque pellucidae, nucleis oblongo-ovatis, nucleolos continentibus, instructae reperi: quae membrana pro gradu vellicationis vel majore vel minore et pro aetate animantis modo facilius modo difficilius in lamellas multangulas vel fusiformes dilabitur. Remack, qui loco supra allato epithelii ex multis inter se stratis compositi mentionem fecit, stratum membranarum epithelialium, exteriora versus a vasorum epithelio situm, de quo strato infra fusius dicam, ad hoc epithelium referre videtur. Introrsus a membrana illa cellulari stratum cellularum inter se non coalitarum (stratum cellularum intimum Reimackii) nullum amplius potui observare. b) Membranae epitheliales, ex cellulis nulla substantia intercellulari inter se coalitis exortae, in quibus cellulae earumque nuclei, dum succrescunt, secundum diametrum vasis longam prolon- gantur atque in eadem regione formationem plicarum modo plus modo minus expressam striasque, retibus fibroso-elasticis provocatis paene similes, efficiunt; membranae, in quibus passim nuclei oblongati, iique interdum in parte aliqua plicis paene vacua homogenea, nusquam vero vestigia resorptionis jamjam ortae conspici possunt; membranae denique, quae non sitae sunt in ulla vasorum planitie libera, — a viris cll. Reicherto (2Jiuller§ 21rd)h> 1841. p. CLXXXVIII) et Jaeschio (1. c. p. 24qui illas in tunica intima vasorum sanguiferorum observarunt, primum descriptae sunt. Remack, ut jam commemoravi, membranas epitheliales ad epithelium referre videtur. Alii vero, Donders, Jansen1), Schultze2) easdem membranas strata retium subtilium oblongo-fibrosorum esse arbitrantur. Membranas similes Jaesche ex tunica quoque media arteriarum sumtas descripsit: attamen novissimo tempore facium est probabile, membranas illas ex cellulis compositas nihil nisi strata esse fibrarum muscularium laevium. c) Tela elastica in vasis sanguiferis sub duabus potissimum formis apparet: tum enim sub forma membranarum fenestratarum, ubi massa solida spatio quadrato foramina superat, tum sub 1) Satjrciberidjt oon sprof. SReicfjert. 3JtuUcr’6 2trdji» 1848. 9tr. 6. p. 41. 2) De arteriarum notione etc. Auctore M. J. S. Schultze. 1850. p. 12.