De textura et structura vasorum lymphaticorum, ratione simul habita vasorum sanguiferorum : dissertatio inauguralis, quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae, rite adipiscendum, loco consueto publice defendet / auctor Henricus Weyrich.

  • Weyrich, Henricus.
Date:
1851
Catalogue details

Licence: Public Domain Mark

Credit: De textura et structura vasorum lymphaticorum, ratione simul habita vasorum sanguiferorum : dissertatio inauguralis, quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae, rite adipiscendum, loco consueto publice defendet / auctor Henricus Weyrich. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    19/34 (page 17)
    simul in transversum striata apparent, id quod fibris efficitur muscularibus, neque ideo ullis telis parietis confundi possunt. Vasa capillaria hac striatura peculiari omnino carent, cursum haud raro undulatum offerunt: unde facile aliquis veris fasciculis muscularibus illa confundere posset, nisi eo, quod vasa capillaria saepe retia efficiunt neque in fibras musculares diffindi possunt, ab illo errore averteretur. In valvulis, quibus acidum nitricum adhibebam, rete quoddam vasorum capil- larium maculis grandibus distinctum animadverti. Diametrus vasorum capillarium V100' aequabat. In segmentis transversis, e ductu tbor. hominis et equi receptis, adbibito iis acido nitrico, vasa vasorum secundum diametrum longam currentia, si ea spectes persecta, sub forma annulorum helvoli coloris observare licet (cf. Fig. 6 e.) : qui annuli sub pressu modico striaturam reddunt circularem, quae aeque atque color musculis efficitur, quos vasa sanguifera continent. Adhibito tum praesertim pressu vehementiore, postquam acidum nitricum per 2—3 dies vim exercuit, fibrae musculares dita- buntur , quae, nisi quis segmenta vasorum sanguiferorum ante respexerit, pro fibris muscularibus longitudinalibus ductus tlior. facile haberi possunt. Nervorum parietis ductus tlior., quum eundem perscrutarer, rationem minorem habui. Disquisitionem propriam etiam de pariete partis latissimae ductus tlior. equini, de cisterna chyli, conatus sum instituere. In hac parte strata fibrarum muscularium et transversalium et longi- tudinalium nec non retium fibroso-elasticorum longitudinalium crassiora sunt, quam in reliqua parte ductus thoracici. In segmentis transversis, quibus acidum nitricum adjeceram, crassitudo strati persecti musculorum circularium V20' aequabat. Praeterea fasciculos persectos fibrarum muscu- larium longit., quae in reliqua parte ductus tlior. facilius nos fugere possint, evidenter potui per- spicere. Alias texturae varietates fere nullas animadverti. B. De textura et structura ramorum lymphaticorum tenuiorum. Ramos tenuiores vasorum lympli., praeparandi methodum ope scalpelli et volsellae secutus, ubi nudis oculis illos non amplius persequi poteram, adhibito microscopio simplici ex mesenterio et pariete tractus intestinalis equi, canis, felis, nec non ex tela cellulosa subcutanea dorsi pedis humani oedematosi studui acquirere. Ad explorandam ramorum texturam et structuram, praeter- quam quod necesse est vas integrum post adhibita reagentia a planitie inspiciatur, methodum quoque illam, quae segmenta tractat, satis opportune instituere licet: qua in re, si utraque methodus altera alteram expleat, quadamtenus saltem fieri poterit, ut impedimenta ea, quae per- scrutandis ramis tenuioribus obstant et de quibus jam in initio hujusce capitis mentionem feci, superentur ac removeantur. Addam hoc loco, in adhibendis segmentis transversis quam minimum telae conjunctivae, vas circumdantis, sejungi oportere, sin aliter, stratum tenue retium fibroso- elast. longit. aut simul removeri aut adeo divelli, ut ex ejus residuis, utrum re vera existat necne, haud facile concludi possit. Ramulum pertenuem lymph., ex corpore hominis receptum, cujus diametrus transversa V20' aequabat, a planitie inspiciens perscrutatus sum. Quem ramulum, quum ope microscopii alium ramum majorem perquirerem, cum eodem ipso cohaerere vidi: itaque soli casui tribuo, quod illum mihi explorandum nactus sum. — Reperi eundem ramulum crebra circumdatum tela conjunctiva, quae me impediebat, quo minus texturam ejus et structuram acriter et accurate intuerer. Quum acidum acet, adjecissem, tela conjunctiva turgida apparuit atque pellucida : quo facto in ea aliquot fibras conspexi tenues elasticas, ab utroque vasis latere currentes, nec non in ipso vaso stria- turam transversam, non acriter insignitam, quae nucleis transverso - ovatis, in vasis pariete dis- 3