De textura et structura vasorum lymphaticorum, ratione simul habita vasorum sanguiferorum : dissertatio inauguralis, quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae, rite adipiscendum, loco consueto publice defendet / auctor Henricus Weyrich.

  • Weyrich, Henricus.
Date:
1851
Catalogue details

Licence: Public Domain Mark

Credit: De textura et structura vasorum lymphaticorum, ratione simul habita vasorum sanguiferorum : dissertatio inauguralis, quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae, rite adipiscendum, loco consueto publice defendet / auctor Henricus Weyrich. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/34 (page 8)
    convexi modo leviter scabis, massa quaedam floccis similis removeri potest, quam sub aqua extensam, si microscopio subjeceris, membranam tenerrimam esse cognosces. Membrana ea nucleis obsita est perquam crebris longitudinis V90', latitudinis Viso', qui plerumque amplius unum nucleolum continent et formam referunt ovatam. Nuclei supra membranam aequabiliter dispositi sunt ita, ut diametrus eorum longa axi vasis longae respondeat. Inter nucleos membrana passim striis distincta est perquam tenuibus et condensis, quae secundum diametrum longam nucleorum excurrunt atque striaturam subtilem, plus minusve regularem vel reticulatim protractam efficiunt membranamque obumbrant. Nonnullis locis bae striae desinunt atque in parte quadam membranae prorsus pellu- cida homogenea evanescunt ita, ut iisdem locis veram illarum naturam non a fibris sed a plicis tenuibus ortam esse cognoscere possis (cf. Fig. 1). Membrana quum perquam sit tenera, jam motu exiguo cum foliolo tegeute rursus in plicas majores coarctatur et vario modo inde a marginibus convolvitur: nuclei tunc jam non ordine normali sed hunc in modum dispositi sunt, ut diametri eorum longae decussatim inter se vergant: striatura amplior in diversas tenditur regiones, unde facile error manare potest, quasi totum stratum membranarum indolis superioris, quarum alia super aliam posita sit, in vasis pariete exstiterit ac deinde remotum sit, id quod revera non est. Mem- brana cum telis exteriora versus sitis, uti ex facili ejus liquet separatione, modo laxissime cohaeret atque, quum nullum aliud interiora versus reperiatur stratum telarum, pro vasorum epithelio, quod dicitur, habenda est. •— Si ex vasis pariete removetur epithelium, cellulae, quibus coalescentibus illud exortum est, sub forma lamellarum plus minusve regularium vel multangularum vel fusi- formium, quae nucleo praeditae sunt, aut omnino ditabuntur aut plures etiam alia post aliam cohae- rescunt, unde species praebetur particularum fibrosarum, quae quidem vellendo productae sunt. Attamen in membrana cohaerente ipsos limites, qui cellulas coaluisse significarent, numquam potui animadvertere. Eundem membranae dilapsum maxime insigni modo in pullo equino quinquemestri procedere vidi: quae res in statu evolutionis etiam praematuro sita est. Si ex pariete ductus thoracici hominum et equorum remotum est epithelium, strata proxime exteriora versus sita jam non aeque facile atque epithelium seperari possunt; immo potius, dum planities vasis scalpello scabitur, pressio longe fortior necesse est exerceatur. — Tum etiam secundum diametrum vasis longam lacinias taeniis similes, modo latiores modo angustiores, sejungere licet, quae saepe in modum filorum ad finem alterutrum excurrunt atque, simulae sejunctae sunt, inde ex marginibus statim complicantur: quae res magno ad explorandam earum indolem impedimento est; nam laciniae illae, si quis eas acubus expandere conetur, secundum diametrum longam perfacile in fibras finduntur. Si vero contingit, ut laciniae quam maxime explicatae microscopio subjiciantur, in iisdem striae apparent obscuriores variae latitudinis, quae partibus pellucidioribus itemque plus minusve latis distinctae, modo continuae et parallelae, modo interrumptae et sub angulis plerumque acutis coeuntes, secundum diametrum longam et praeparati et vasis excurrunt. Striatura praeparato speciem induit eam, unde primo adspectu concludas, ex stratis retium-fibroso-elasticorum longitudi- nalium, immo ex ipsis fibris, quibus viri multi telam conjunctivam constare volunt, illud compositum esse : quae opinio tanto facilius inde etiam existat, quod in margine praeparati particulae fibrosae separatae semper reperiuntur et quod in uno alterove fine praeparatum in particulas fibrosas exit atque secundum striaturam vellendo in libras jam satis regulares diffindi potest. At utraque con- clusio profecto falsa esset. — Quotiescunque strata ipsorum retium fibroso - elasticorum prae me habui, quae explorarem, toties fere accidit, ut in margine praeparati lamellae verae retium fibroso- elaslicorum situ simplici apparerent aut, dum substantia vellebatur, parari possent, praeterea ut