Rarioris monstri, in museo anatomico Lipsiensi adservati, descriptio anatomica.

  • Cerutti, Friedrich Peter Ludwig, 1789-1858.
Date:
[1827]
Catalogue details

Licence: Public Domain Mark

Credit: Rarioris monstri, in museo anatomico Lipsiensi adservati, descriptio anatomica. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    7/22 (page 7)
    hiant. Hinc utraque vena iugularis tantum abest, ut unicum truncum seu venam cavam superiorem formet, ut potius ab in- gressu in thoracem recta glandulaque thymo obtecta, iuxta mar- ginem pulmonis anteriorem atque truncum arteriosum usque ad insertionem descriptam ita descendat, ut vena iugularis sini- stra supra bronchum sinistrum venam azygam recipiat. Caete- rum atrii cavitas ab extrema auricula usque ad limbum ostii venosi, quousque cordis atrio simillima apparet, septem lineas longa et a sinistro latere ad dextrum in diametro latissima octo lineas lata est; anterius et posterius autem valde plana con- spicitur. Septi et foraminis ovalis nullum vestigium, quanquam dextrorsum foramen parvum et rotundum, sed caecum cerni- mus. Tandem annotari meretur, parietes atrii crassiores et carnosiores esse quam in statu naturali. Ventriculus dexter atrio respondet atque sinistrorsum et su- periora versus collocatus est, et cavum cordis maximum reprae- sentat, ideoque maximam totius cordis partem format; ostium arteriosum nullum, sed modo venosum; hinc atrium proxime in ventriculum terminatur, ita tamen, ut utrumque cavum limbo perspicuo valvulisque tricuspidalibus instructo distingua- tur. Hicce ventriculus totam cordis partem arteriosam occupat, atque a limbo usque ad apicem, sursum versum, unum polli- cem et duas lineas longus, et in latissima diametro septem li- neas latus , ab anteriore parte et versus posteriora planissimus conspicitur. Parietes omnino crassiores, carne crassa laxaque constructi. Septum modo versus basin spectat, perbreve, haud