Rarioris monstri, in museo anatomico Lipsiensi adservati, descriptio anatomica.

  • Cerutti, Friedrich Peter Ludwig, 1789-1858.
Date:
[1827]
Catalogue details

Licence: Public Domain Mark

Credit: Rarioris monstri, in museo anatomico Lipsiensi adservati, descriptio anatomica. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    6/22 (page 6)
    Cor duos pollices parisinos longum (solum autem atrium idque unicum octo lineas aequat), novem lineas latum et quin- que crassum, atque ita collocatum est, ut apex, portioni ossis parietalis tam firme adhaerens, ut haud sine laesione separari posset, versus superiora, basis vero, quae in duas lacinias car- nosas seu cornua terminatur, et hinc fissa apparet, inferiora versus spectet. Haecce cornua in duos vasorum truncos, nempe venosum, et arteriosum, elongata sunt, quorum alter magis exterius, alter interius, pericardio circumdati, versus superiora cavitatem pectoris intrant. Hinc situs cordis ita mutatus est, ut ea pars, quae cavo dextro respondet, sinistrorsum, et ca- vum sinistrum dextrorsum spectet. Atrium unicum antrorsum auriculam accurate circumscri- ptam repraesentat, atque inde in externum s. sinistrum cornu elongatur. Ilocce cornu truncum vasculosum longum et rotun- dum, usque ad ingressum venarum pulmonalium muscularem format, cuius longitudo integrum pollicem et tres lineas, dia- meter vero duas lineas aequat. Itaque tanquam atrium prae- longatum apparet, iter suum usque infra divisionem tracheae continuans, ubi truncum venosum brevem, venam pulmonalem communem recipit, in quam a quolibet pulmone duo venarum rami confluunt; quo facto haud procul ab egressu e thorace, dextrorsum vena cava inferior sub recto angulo, sinistrorsum et huic opposita, supra et pone aortam vena iugularis commu- nis sinistra, ac paulo profundius et extrorsuin versa, vena iu- gularis communis dextra in atrium hoc modo praelongatum