Rarioris monstri, in museo anatomico Lipsiensi adservati, descriptio anatomica.

  • Cerutti, Friedrich Peter Ludwig, 1789-1858.
Date:
[1827]
Catalogue details

Licence: Public Domain Mark

Credit: Rarioris monstri, in museo anatomico Lipsiensi adservati, descriptio anatomica. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/22 (page 10)
    solet, tamen ultra modum latum amplumque; hinc pulmones reliquaeque partes mediastini id nequaquam implent. De diaphragmate, cuius et structura et insertio naturaliter se habent, probe notandum, partem eius mediam antrorsum, ubi processus ensiformis sterni deest vasorumque trunci e pe- ctore prodeunt, in cutem externam transire cumque ea penitus confundi. In capite haec singularia annotanda occurrunt: Cranium adest nullum; hinc foetus apparet hemicephalus; superficies capitis inaequalis in partem dextram et sinistram distingui- tur: dextra, cuius diameter pollicem integrum aequat, eundem habitum refert, qualem monstra habent, quae a Germanis plerumque Katzenkopfe vocantur, nempe basin cutis pilis teneris obsessa tegit, quae in cervicem latam terminatur. An- trorsum et in eodem cum basi situ cernitur oculus solito minor; infra hunc et introrsum est collocatum tuberculum planum, ab exteriore naso dimidio haud dispar, et infra hoc ostiolum ob- servamus, ad cavitatem ducens naribus similem, cuius profun- ditas pollicem dimidium aequat. Auris, quem solet, situm te- net. Os apertum atque admodum magnum; hinc lingua pro- pendet. Labia compressa et adeo deformia, ut vix labia ha- beri possint; maxilla dextrorsum pressa. Pars capitis sinistra et valde irregularis extrorsum depressa et lata conspicitur, exque ea tumor mollis rotundusque protube- rat, magnitudine ovi gallinacei. Diameter superficiei huius partis pollicem integrum et dimidium aequat. Hicce tumor an-