Oratio ex Harveii Instituto in aedibus Collegii Regalis Medicorum Londinensis : habita die Julii Xmo MDCCCLVIII / auctore Georgio E. Wilmot Wood.

  • Wood, George Edward Wilmot.
Date:
1858
Catalogue details

Licence: Public Domain Mark

Credit: Oratio ex Harveii Instituto in aedibus Collegii Regalis Medicorum Londinensis : habita die Julii Xmo MDCCCLVIII / auctore Georgio E. Wilmot Wood. Source: Wellcome Collection.

Provider: This material has been provided by Royal College of Physicians, London. The original may be consulted at Royal College of Physicians, London.

    13/26 (page 9)
    tificem anilem pessimae servituti, religionis nomine, deditum! Sacerdotum agmina per vicos domosque in mentes miserorum, et praecipue muliercularum, irrepentia, ex confesso habetis! Postremo Regem quendam, tam animi, ut videtur, quam corporis crassitudine delirantem, qui vel discipulos in rebus Medicis ad certum numerum redigere audet! His obstantibus, nihilominus Medici extant illic ingenui et liberales! Testes sint Matteucius, aliique plurimi, qui ad artem nostram tanquam divinam, more patrum, adhuc excolendam prompti paratique sunt! Et jam de his rebus, deque ipso Harveio, vereor ne forsan verbosior et prolixior fastidium vobis afferre videar! Quid autem valet oratio ea qua de heroe siletur l Num ludus sane proferendus est scenicus, omissa tragredise principe per- sona ? His vero praepositis, etsi plurima alia simul omiserim, in anni praeteriti notanda paulisper patientes, precor, ani- mos adhuc intendatis! Annus quam gravis funestusque! domi militiaeque, quam memorabilis! In eodem quantae pertur- bationes, qui rumores, qui luctus, qui pudor, qui turbidi animorum motus! Annus Indicus! Asiaticus ! Carbone scilicet notandus! Per insidias mercenariorum, quibus nimium confisi eramus, nostris ipsorum gladiis, non solum milites, verum etiam Medici plurimi— immo infantes, virgines mulieresque innocentes, jugulati sunt! Per strages hominum, per cruciatus horribiles, faedissimasque ignominias, quantopere vexati, quot et quanta nosmetipsi perpessi sumus! Vix stetit, trepidante libra, concussum in India imperium nostrum! De futuro etiam, quid sit, nescimus! “ Caliginosa nocte ” premitur! “ Infandum ” vero “ dolorem renovare ” abhorret et lingua et mens! Itaque meliora aggrediamur! B