De sedibus et causis morborum per anatomen indagatis libri quinque / Jo. Bapt. Morgagni.

  • Morgagni Giambattista, 1682-1771.
Date:
1827-29
Catalogue details

Licence: Public Domain Mark

Credit: De sedibus et causis morborum per anatomen indagatis libri quinque / Jo. Bapt. Morgagni. Source: Wellcome Collection.

Provider: This material has been provided by the Royal College of Physicians of Edinburgh. The original may be consulted at the Royal College of Physicians of Edinburgh.

    25/502
    et literatos homines voluntate summus quoque pontifex Clemens XI. hujus diei celebritatem eidem gratulatus est. Quam porro Morgagnus in docendo viam secutus fuerit, ut magnam sui exspectationem sustineret, ex his intelligi potest. A similaribus, ut vocant, partibus explicandis, sive ab anatomes elementis docendi initium sumebat, utens in iis synthetica methodo, quam omnium esse aptissimam utilissimamque in hac tradenda facultate scite a Rojolano dictum est. Explicationem vero elementorum analytica sequebatur descriptio compositarum omnium partium. Non habebat paratum quid quaque de re diceret; dicebat ta- men copiose, varie, perspicue eleganterque, curu haberet divinam memoriam rerum et irerborum. Magnopere ei curae erat, ut, quidquid docebat, non tam auribus com- mitteret, quam in oculis conspectuque auditorum suorum, adhibita diligentissima praeparatione, exponeret. Venie- bant autem ad eum audiendum non solum magna studio- sorum adolescentium frequentia, sed etiam multi aetate provecti et doctrina ornatissimi viri; ac nemo fere ab illo discedebat, quin aliquid novi edidicisset. Non parum su- dare debuit Morgagnus primis hujus sui muneris annis, ut hominem informaret ad bene diligenterque anatomicas ostensiones administrandas; sicque Joannem Baptistam Vulpium ad incidendorum cadaverum officium instituit, ut nemo fortasse esset, qui cum illo comparari posset. Accidit aliquando , ut, cum hic aniculae cadaver aperiret, quo adstans Morgagnus ostenderet auditoribus suis sin- gulorum viscerum sedem, etsi plus solito illud nequaquam male oleret, neque ullum in eodem praeter implicationem intestinorum vitium appareret, subitus tamen languor Morgagnum oppresserit, non secus ac si deliquium insta- ret. Revocatis paululum viribus, cum uterque domum e theatro anatomico rediissent, ad eundem modum eodem- que tempore febri correpti fuerunt, quae sic Morgagnum male habuit, ut nonnisi aliquot post annos pristinam va- letudinem recuperare potuerit. Non propterea tamen in eo languit industria. Nam eodem, quo antea, studio com- modis discipulorum domi, in nosocomio atque in theatro inservivit, ac nihil unquam, si paucos excipias aestivos menses, quibus in patria fuit, remisit de labore, quem in anatomicis praesertim scriptionibus solitus erat impen- dere. Etenim, quod mireris, magna pars Adversariorum